يحكيو على تاجر في بلاد من البلدان ماخذ بنت عمو، حسن وجمال والزين والعقل فوق الكل. يحبها وتحبو الروح خرجت من الروح. جاء عام الخدمة كاسدة شوية في بلادهم. قال نعمر قافلة، قالها يا بنت عمي راني مسافر للبلاد الفلانية باش ندبر راسي. قاتلو اقصد ربي والي يقصد ربي عمرو ما يخيب.خلالها مونت عام على…
يحكيو على سلطان ، عندو ولدو ، كيف أولاد السلاطين عملّو مدّب يقرّي فيه في السّرايا ، حفظ القرآن ، جابلو الأساتذة ، تعلّم العلم ، الأدب ، الشّعر ، التاريخ ، الجغرافيا ، تعلّم الفروسيّة ، تعلّم المصيد ، طلع هاك الولد هذاكا جامع مانع منين تجبدو يعملّك درس . قال :
يحكيو على سلطان ، و ما سلطان إلاّ الله ، عمرو ما شقّو ضنا و متحيّر و عيشتو منكّدة ، بعد منام عينو شكون بش يخلفو ع الكرسي ، و نهار يخمّم و ليل يخمّم ، و لا عاد حاليلو لا طعام لا نوم ، حتى قال ” لو كان ناخذ مرا أخرى ؟” ،…
يحكيو على سلطان ، و ما سلطان إلاّ الله ، سلطان كان خايف ربّي ، يقدّر أهل العلم و عاطيهم قيمتهم و يعظّم رجال الدّين ، صلاّي ، حافظ كلام الله ، لكن يشوف في الرّعيّة متاعو مش قايمين بفرايض دينهم و الجوامع فارغة تطنبر .قعد يخمّم كيفاش يعمل معاهم بش يردّهم للطّريق المستقيم و…
ردّيتوشي بالكم بالله ، فين تحكي المرا على راجل عمل عملة فاسدة تقول: ” هوما الرجال فيهم أمان ؟” ، و إذا كان تحكي على مرا كيفها خانت راجلها ولاّ عملت معاه العمايل اللي ما تتحكاش عمرها ما تقول نسا ما يتّامنوش . و هو المليح و الدّوني في الرّجال و في النّسا ، آما…
يقولوا اللي البكّوش ما تفهم لوغتو إلاّ أمّو ، و كذلك المهبول ، مش أمّو ، آما المهبول اللي كيفو . العاقل ما ينجّمش يتفاهم مع المهبول ، آما كيف تجيبلو واحد كيفو يشوف كيفاش يبداو متفاهمين .قالّك هاك العام هرب مهبول من التّكيّة ، ماهو كانوا يحطّوا فيها هاك المهبّلة الهايضين اللي يبداو يتصايحوا…
هاك العام ، ليلة كنت ساهر في التّياترو . وقت الراحة ماهو يتلمّوا برشا ناس في السقيفة و في البركون متاع التياترو بش يتكيّفوا سواقر و يبدا وَغلي و حديث و دزّني و ندزّك ، قامت عركة ما بين زوز م النّاس . هوما متهمّمين و لحف و برانس كاينّهم أعضاء في المجلس الكبير و…
فمّا راجل ماخذ مرا ، واحد تاجر بقداه و معناه لاباس عليه ، و عايش هو و هاك المرا في الغاية و النهاية ، لكن بعد مُدّة ما تعاشروش ، كيف ما يقولوا طبيعتو ما جاتش موافقة لطبيعتها ، اللي يعجبو هو ما يعجبهاش هي و اللي يعجبها هي ما يعجبوش ، مش فرد طبيعة…
يحكيو على عزوزة ماشية في الشارع ، عفسلها واحد على طماقها في الحضبة شرَمهولها . قعدت تمشي ساق بساق و تفركس تلقاشي صبابطي ولا بلغاجي يعمللها غرزتين ولاّ يركّبلها وردة ، حتى لقات واحد ملاّخ . – ” صباح الخير. “ – ” نهارك سعيد. “ قالتلو : – ” ترقّعليش هالفريدة ؟” قاللها :…
يحكيو على واحد حطّاب ، زايد بش نطوّلو النّازلة ، كيف كل حطّاب متاع كل حكاية عندو مزريشة ولاد ، و في الصّيف محروق و في الشّتا مغروق ، كل يوم من الظلام للظلام و هو يحطّب في الغابة بش يروّحشي بحميّل حطب يبيعو و مش منجّم نفسو ، الفطور بالفطور و العشا بالعشا و…