يحكيو على أمير المومنين المُعتصم ، كان يحبّ الشّعر و الشّعراء . نهار جاه واحد بدوي ، قال شاعر . شاوروا عليه ، دخل ، قدّم وخّر ، عطى كار السّلطنة و بدا يجلجل يسردلو في قصيدة عملها فيه ، كيما نقولو ملزومة ، كيف القصايد اللي يعملوهم للأمراء و للملوك . عجبتّو هاك الملزومة…
اليوم بش نحكيلكم حكاية من سكندينافيا . سكندينافيا ، السويد ، النرويج و الدانمارك .. مابعد هاك البلدان على تونس ، هذوما لغادي من إيطاليا ، من فرنسا ، من سويسرا ، من البلجيك ، من ألمانيا ، من هولندا .. و مع هذا الحكايات تشبّه لبعضها و تاخذ من بعضها . و هالحكاية هذيّا…
يحكيو على راجل أمين التّجّار ، عندو أولاد . كبروا هاك الولاد و حظّوا الزّواج ، قال لمرتو: ” آش مازال توّا ؟ ماهو ناخذولهم نسا ” ، قالتلو : ” اقصد ربّي ، لكن استنّى نتفاهمو قبل . الأولاد بش يتزوّجوا ، هذوما كناين جايين للدّار، و حكايات 3 الحماوات و الكناين قدّ شعر…
يحكيو على واحد جنّان يخدم في جنينة السّلطان . نهار ، الحال شتا ، يلقى شجرة متاع خوخ فيها كعبة خوخ ، غلّة من غير فصل في كُبر كعبة البُردقان ، خدّ بخدّ سبحان الخلاّق في ما يخلق ، و إذا كان ثمّا بعض الحبلة تسمع فيّا تصبر شويّة ، هاو الخوخ قرب و بدا…
يحكيو على تاجر ، و كل تاجر على مالو فاجر ، و تاجرمن التّجّار الكبار ، كيف ما نقولو في تونس بدارو في قلب المدينة ولا كيما توّا في البلفيدير والا مونفلوري ولا غيرو ، و بحوانتو و دار للخلاعة في سيدي بوسعيد و هنشير في تلّة سيدي يحيى و سانية زيتون في طبربة ،…
يحكيو على تاجر تجارتو ماشية مليح و منزّلّو فيها ربّي البركة ، اللي يشريه يربح فيه و اللي يبيعو يربح فيه ، الحاجة اللي يحطّ فيها يدّو تكَيّلّو . غاروا منّو التّجّار في السّوق ، ما عادش مخلّيلهم قسم معاه ، ربطوهالو مع شَهبندر التّجّار ، ولّى يقامر فيه . لمّ رزقو و باع كل…
يحكيو على تاجر ، و كل تاجر على مالو فاجر . هاك التاجر هذاكا كيما نقولو في بغداد بحوانتو بخيرو بخميرو ، لكن جا عام كاسح قلّ البيع و الشّراء . زاد العام الثاني ما صبّتش أمطار ، ما ثمّاش صابة زاد قلّ البيع و الشّراء . ولّى التاجر يبدا يصلي في حانوتو بالنهار كامل…
و في هالعصر هذا اللي بش نحكيو عليه ، كان المشنوق يقعد ثمّا ، يبات في المشنقة متاعو يعدّي فيها النهار الكل و هو معلّق و كذلك الليل الكل . زمانتها كانت القعّادين ، هذاكا نهج القعّادين ما بين باب سويقة و رحيبة سيدي الجبالي ، كانت حومة الكيوف ، حومة الفنّ . كانوا مطربات…
ثمّا مرا طلّقها راجلها . كان في السّابق الطّلاق عيب و عار و قليل ياسر، و أولاد الأصول ما يطلّقوش . ثمّا طبقة من النّاس اللي ما يعرفوش يطلّقوا . و حتّى إذا كان واحد قدّر عليه ربّي و حضر الشيطان بينو و بين مرتو و طلّقها ، يبدا حاشم و ماذا بيه ما يسمع…
بكلّنا نعرفو حكايات بوك عكرّك و الغول، شكون ما حكاتهالوش ماماتو في صُغرتو و ما يتفكّرهاش ولو البعض منها و لو كليمات. مرّة نقرى في كتاب فرنساوي متع حكايات، لقيت حكاية تشبّه لهاذي . هيّ ماهي الحكايات الكل تتسلّف من بعضها و ساعات نحكيلكم حكاية من الأندلس والا من الهند والا من الجابون، و هيَ…